فريق الاستجابة الطارئة

Arabic AR English EN French FR German DE Swedish SV Turkish TR
Arabic AR English EN French FR German DE Swedish SV Turkish TR

حالات إنسانية

مآساة خيمة فيها عائلة من حملة عوائل متعففة.
الحجة فاطمة استشهد ابنها بالقصف ومن زعلهن عليه والده انجلط وصار معه شلل نصفي. .

الحجة كمان عندها بنت عمرها ٣٥ سنة من ذوي الإعاقة (غياب تام للطرفين سفليين)
وعمتربي أيتام ابنها بهي الخيمة

قالت لنا الحجة بحاول اشتغل بس والله يا ابني هي الخيمة كلها مرضى وأيتام مابحسن اطلع لبرا الخيمة وبدنا حطب والله عمنجمد

#بهمتكن منأمن ١٥٠$ ثمن مواد تدفئة ومبلغ مالي باليد للعائلة

تمت الاستجابة 100%

بدخلتنا للتحقق من حالة الأخت فاطمة شفناهن عميحاولوا السيطرة على تسريب مياه المطر من عدة ساعات على قبو ساكنين فيه مع أيتامهن ومع هيك انتهى يومهم بتبلل كل فرشهن بالمياه
والبرد صار صقيع داخل هاد القبو .

مشكلتهن الأساسية عدم قدرتهن نهائيآ على تأمين مواد التدفئة لغلاء ثمنها ..

بصدقاتكم فينا نأمن لهم مواد تدفئة وعوازل لمنع دخول الأمطار عليهن .. 150$ كافية لنأمن احتياجهن. .

تمت الاستجابة 100%

هي الغرفة هي مسكن الاخت فاطمة نزحت من دمشق مع ولاد ابنها الي أصيب بفقدان ذاكرة دائم بسبب قصف ع بلادهم ..

تقول الاخت : من يومين هاد السقف الشادر طب فوقنا من التلج
شلت الولاد ونيمتهن عند الجيران وأبوهم عميتعالج وماعندي حطب ولا معيل وكنت اشتغل اطبخ للناس ببيوتها وأجيب حطب بس من اسبوعين ماحدا طلبني وماضل عندي حطب والله قاعدين ع فرش كله مي .

#بهمتكن منأمن للأخت مواد تدفئة وشوادر لإعادة تجهيز الغرفة وسلة غذائية ومايتلقى تسلمه باليد

ب١٥٠$ منكسب أجرهن ومامنتكرهن لوحدهن بهي المحنة

تمت الاستجابة 100%

بهي الغرفة الصغيرة و البعيدة عايشين ١٠ اشخاص تحت ظروف معيشية قاسية جدا 😓

أخت أرملة و معها ايتامها التلاتة ..
و أخوها المصاب بإعاقة جسدية بتمنعه من القيام بأي عمل يقدر يعيل عائلته و عائلة اخته

ماعندهم أي شي يتدفوا عليه غير شوية اغصان زيتون او نايلون بيجمعوهم الاطفال من الشوارع


بهمتكن منقدر نساعدهم و نأملن احتياجات ضرورية .. ( لوح طاقة و اسفنجات و مواد تدفئة .. و شوية مواد غذائية ) بقيمة 200 $
و ننقل الآخت لبيت آجار ان امكن

تمت الاستجابة 100%

داخل هاي الخيمة تسكن الحجة فطيم دون أي معيل
لا تمتلك اي مقومات الحياة حتى الان لا تملك تدفئة أبداآ
عند سؤالها .
والله يا ابني وقت بصير برد بروح لعند الجيران انا مالي حدا هون بالمخيم أيام بخاف بخلي بنت جيراني تنام عندي وهيك عايشة ياىأبني علوا تأمنولي صوبيا وحطب لأقعد بخمتي ماروح ع خيم الجيران ..

بهمتكن فينا نأمن مواد تدفئة مع سلة غذائية للحجة بقيمة إجمالة ١٠٠$ فقط ..

تمت الاستجابة 100%

هاد مسكن الأخت عزيزة وعندها طفلين أيتام متل القمر.

الاخت مريضة وبتشتري دواها بشكل شهري .ولتأمن حقه صارت تطلع على حواش البطاطا كل يوم لتأمن نصف دولار يوميآ. ..

وابنها ترك المدرسة وصار يطلع معها ليأمنوا شي أكثر ومع هيك
بلموا بلاستيك وكراتين وأعواد شجر من الشوارع ليتدفوا ..
وبأيام المطر مافيهم يجمعوا شي مبلول 😔

#بهمتكن فينا نأمن لهم 200$ نفرح قلبهن وقلب أمهم بتأمين تدفئة الشتاء وفواكه وخضرة وسلة غذائية نشيل فيهم هم ع ضهرها مثل الجبل ..

تمت الاستجابة 100%

الأخت هبة توفى زوجها بقصف .. قعدت بغرفة عند جماعة كبار بالعمر وبتعطيهم آجار غرفتها مع أيتامها الأربعة والمنافع مشتركة

تقول هبة :زوجي كان وحيد لأهله ومات بالقصف مع أبوه وأمه وماضللي حدا ..

بشغل نار عالتنكة بكراتين بلمها من الشارع حلمي يكون عندي صوبيا ..اليوم أخدت ابني عالدكتور عطاني وصفة طلعت من عنده كبيتها مامعي اشتريها ..

بهمتكن القوية منأمن تدفئة وعلاج وادوية وسلة غذائية ومبلغ مالي باليد .. المبلغ المطلوب ٢٠٠$

تمت الاستجابة 100%

الأخت رنا تهجرت من مدينة جسر الشغور بعد ما تعرض بيتها للقصف وخسرت بيتها واستشهد زوجها بالقصف نفسه

عايشة مع بناتها التلاتة بغرفة صغيرة بدون تدفئة ومع غياب كل مقومات الحياة عم تعجز عن تأمين أبسط احتياجات بناتها من أدوية وغذاء وكساء ..

حكت انو كل يوم بنطلع بنجمع شوية حشائش من الحارات القريبة كرمال نطبخ ع نار منشعلها ب نايلو بلمه من الشوارع

الاخت بحاجتكن لنقدملها تدفئة وسلة غذائية ب قيمة 200$ .

تمت الاستجابة 100%

‏بغرفة على العضم تسكن فاطمة مع اختها الأرملة وأيتامها
عند سؤالنا للأخت فاطمة عن وضعهم المعيشي .
قالت لنا والله يا أخي بعد ما تعتم الدنيا عم أطلع أنا وباخد معي ولادي عم نروح نجمع فضلات الخضرة من المحلات وكياس النايلو مشان دفي الصغار

أن شاء الله بهمتكن فينا تأمن مبلغ 300 $ لشراء مواد تدفئة مع مدفئة مع سلة غذائية مع تسليم مبلغ باليد ليعينهم على حياتهم الصعبة.

بهمتكن منقدر

الي حابب يكسب فيهم أجر عظيم

تمت الاستجابة 100%

‏بهاد القبو بعيش احمد وفاطمة يتيمي الأب والأم مع جدتهم عمرها ٧٢ سنة مريضة بمفاصلها.
الطفلين يشتغلوا بجمع الخبز اليابس لحتى يقدروا يعيشوا مع جدتهم ..
لليوم ماركبوا مدفئة بالبيت و حاجتهم لمواد غذائية ضرورية وطلبوا مننا لباس مدرسة وقرطاسية ومواد تدفئة وحرامات بسبب الصقيع الشديد

‏لهيك بهمتكن بدنا نأمن لهم ٢٥٠$ لشراء متطلباتهم الإسعافية ولو أخ حابب يكفلهن كفالة شهرية يكون ممتاز. عشان مايضلوا يشتغلوا بجمع الخبز اليابس

تمت الاستجابة 100%